التعليم العام 
تمرد على المناهج : أين خطة النظام الجديد للثانوية العامة . وأين الحوار المجتمعي والإمكانيات
دشنت سماح أبو بكر أدمن مؤسس لجروب “تمرد على المناهج التعليمية ” حملة جديدة موجهة للدكتور طارق شوقى وزير التربية والتعليم بشأن الثانوية العامة
وجاء البيان كما يلي
كل يوم يتم صدور خبر جديد يخص نظام الثانوية العامة الجديدة واللى حضرتك بتصرح دايما انه سيتم تطبيقه فى سبتمبر 2018
اسمحلنا نوجه بعض الاسئلة ومحتاجين اجابات
1- اين الحوار المجتمعى اللى حضرتك وعدتنا بيه ؟؟!!
2- اين الخطة الكاملة بكااااافة تفااااااصيلها لهذا المشروع ؟؟!!
3- بما ان النظام ده هيكون فيه الثانوية العامة معتمدة على الفهم والابتكار والابحاث واستخدام لغة العصر .. فأين المناهج الجديدة اللى تواكب هذا النظام ؟؟!!
4- اين هى الامكانيات اللى سيادتك هتوفرها لكل مدارس الجمهورية (لكل مدارس الجمهورية) ونكرر (لكل مدارس الجمهووورررية) لتطبيق هذا النظام ؟؟!!
5- اين هم المعلمين المؤهلين لتدريس هذا النوع الجديد من التعليم ؟؟
6- اين هو الطالب اللى بقاله سنين عبارة عن (memory card) من هذا التحديث الراااائع ؟؟!!
7- اين هى شبكة الانترنت القوية جدااا جدااا التى ستمكن الطلاب جميعا من الاستمتاع بهذا النظام الشيق ( حتى يتحقق حلم سيادتك ان التعليم يصبح متعة ؟!!
8- اين هى الميزانية التى ستمكنك من تحقيق كل ما سبق ؟؟!!
9- اين هى الضمانات التى تضمن لنا عدم تدخل الواسطة والمحسوبية والرشاوى فى امتحان القدرات للكليات بعد إلغاء مكتب التنسيق ؟؟!!
10- وأخيرا .. ماذا ستفعل تجاه قرى ونجوع الطلاب بيروحوا المدارس الحكومية فيها (بالشبشب ) ومعندهومش مية صالحة للشرب اصلا عشان يكون عندهم انترنت ؟؟!!
وبعتذر جدااا جدااا جدااا على التعبير ولكن ده الواقع اللى حضرتك مشوفتوش
حضرتك سافرت ولفيت العالم وشوفت انظمة كتيرة جدا كلها ناجحة
لكن حضرتك مسافرتش جوا محافظات مصر المختلفة عشان تتاكد من توافر الامكانيات اولاااااا لضمان نجاح اى نظام .. حضرتك مروحتش مدارس حكومية تتفقد حالها وحال معلمينها وطلابها
معالى الوزير … محتاجين اجابات وبلاش الاجابة المعتادة
(نعلم بكل تخوفاتكم ونعمل على قدم وساق لضمان نجاح النظام )
متاجين اجابات واقعية على ال10 اسئلة دول .. من حقنا .. من حقنا .. من حقنا
وبعدها حضرتك قرر هل يصلح هذا النظام للتطبيق فى سبتمبر 2018 ام يتم تأجيله لحين اصلاح الاحوال وتوفر الامكانيات !!!!
روابط نرشحها لكم
لقرار التقويم الشامل اضغط هنا
لتحميل الكتب المدرسية اضغط هنا
لتدريب ترقية المعلمين اضغط هنا
للإطلاع على أخبار محافظتك اختر المحافظة من الجدول
