أرسل إلينا طلاب كلية الطب بجامعة المنصورة الوقائع التالية لما حدث مع إدارة الكلية
دول طلبه سنه ٦ طب المنصورة ، جالهم امتحان جراحه ” مبيتحلش ” وكلهم ف وقت واحد سابوا الامتحان وخرجوا ووقفوا مع بعض وقفه رجاله والامتحان اتلغي .
الادارة مسابتهومش في حالهم ، طلعت قرار ان المحرضين ع الموضوع ده هيتعاقبوا ” بالرغم ان مفيش محرضين لان الطلبه كلها خرجت فجأة لانهم مش عارفين يحلوا حاجه ” بس هيلبسوا كام واحد الموضوع عشان الادارة تطلع زي الشعره من العجينه .
الادارة قالتلهم وهددتهم ان الامتحانات بتاعت الشفوي والكلينيكال هيتفحتوا فيها وياخدوا درجات زي الزفت !
انتوا مش متخيلين حجم المصيبه صح !
دول طلبه طب بشري .. يعني الدحيحه بتاعت الثانويه والكليات اللي بيقعدوا ع الكتاب ويحفظوه صم ، اللي قعدوا ١٣ شهر بيذاكروا وفي الاخر جالهم امتحان ميتحلش فيه غير ١٠ اسئله بالكتير من اصل ١٥٠ سؤال ، لان حوالي ٤٠٪ من خارج الكتب والباقي من مستوي الطالب مجدي يعقوب .
الطلبه علي حق والادارة واللي حاطين الامتحان علي باطل لأن الموقف ده تكرر قبل كده سنه ٢٠١٢ والطلبه برضه سابت الامتحان بسبب صعوبته .
دلوقتي طلبه طب المنصورة مفيش قدامهم غير ربنا لان درجاتهم ومستقبلهم في ايد الدكاترة اللي اكيد هيحاولوا ينتقموا من اللي حصل وربنا يستر من اللي جي .
روابط نرشحها لكم
لقرار التقويم الشامل اضغط هنا
لتحميل الكتب المدرسية اضغط هنا
لتدريب ترقية المعلمين اضغط هنا
للإطلاع على أخبار محافظتك اختر المحافظة من الجدول
