قالت عبير أحمد مؤسس اتحاد أمهات للنهوض بالتعليم، أنه يجب إعدادا وجبات جيدة وصحية للطلاب من قبل الأمهات داخل اللانش بوكس طوال أيام الدراسة بالعام الدراسي الجديد .
وأضافت عبير، في تصريحات صحفية، أن تنويع الوجبات للطلاب التي تحتوي علي البروتين والكربوهيدرات مثل الفاكهة و البيض و الألبان والزبادي والدجاج واللحوم، والخبز و التوست والفينو وكافة أنواع الجبن، وكذلك الفواكه مثل التفاح والموز والبرتقال والخوخ والبرقوق والجوافة، موضحة أنة من الممكن أعداد بعض الحلويات والمخبوزات داخل المنزل ووضعها داخل اللانش بوكس الخاص بالطفل والطالب.
وشددت عبير، علي ضرورة استخدام كل طالب المستلزمات الخاصة به فقط، خاصة زجاجة المياة، وذلك منعا لإنتشار فيروس كورونا والأمراض، مع ضرورة شرب السوائل والمشروبات الدافئة في الصباح قبل الذهاب للمدرسة لتقوية جهاز المناعة، خاصة في فصل الشتاء.
وتفاعل أولياء الأمور علي صفحة اتحاد أمهات مصر للنهوض بالتعليم وصفحة ائتلاف أولياء أمور المدارس الخاصة، في الفيس بوك، حيث قالت ولي أمر: “بإختصار نرجع للأكل البسيط زي زمان بدون تكلف ومبالغة، يعني ساندوتشات الجبن والبيض والمربي ومعاها الخضروات أو الفاكهة، وطبعا السنة دى ممنوع المصروف والكانتين تماما حتي لو المدارس سمحت بيه، ونشتري الحلويات من قبل بيوم علشان نقدر نعقمها في البيت”.
وأضافت ولي أمري: “المكسرات والعسل مهمين كتير والمكسرات كمان غنيه باوميجا ٣ ودى بتساعد على تنشيط الذاكره وقدره العقل على التركيز، طبعا الفاكهه أهم حاجة وياريت العصير يكون بيتى وطازة”، وتابعت أخري: “ممكن سندوتشات جبن سواء بيضاء أو رومي أو شيدر أو فلمنك، ومعاها خيار وجزر وساندوتش نوتيلا أو مربي أو حلاوه، لو الطفل مش بيحب الجبن ممكن بطاطس بيوريه أو بوم فري أو برجر بيتي أو كفته أو بانيه مع اني لا أشجع اللحوم في وجبه الفطار لكن بنكون مضطرين بناء علي رغبه الأطفال علشان نضمن أنهم هياكلوا، وطبعآ لازم وجود علبه لبن أو زبادي وثمره فاكهه ومفيش مانع من وجود بعض المكسرات زي اللوز أو عين الجمل لو متاحين أو فيشار بدل الشيبسي والحاجات الأخري المضره”.
وذكرت ولي أمر: “عايزه اقولكم كمان ياريت نهتم بالاكل اللى أولادنا بيحبوه عشان نضمن إنهم اكلو فعلا، بلاش نعمل اللى على مزاجنا عشان هما فى الآخر بياخدو الأكل مننا ويرموا مش بيتاكل ومش بيستفادوا بيه”.
