“أمهات مصر” يكشفن عن وجبات أبنائهن خلال أداء الإمتحان التجريبي من المنزل: أبرزها الاندومي

كشف اتحاد أمهات مصر للنهوض بالتعليم، برئاسة عبير أحمد، عن ظاهره جديده خلال أداء الإمتحان التجريبي لطلاب الصف الأول الثانوي من المنزل، وهي ظاهرة إعداد وجبات للطالب خلال أداء الإمتحان.

وقالت عبير أحمد، في تصريحات صحفية، إن أبرز الوجبات التي انتشرت بين الطلاب هي وجبة “الاندومي”، حيث حرص عدد كبير من الطلاب علي تناول وجبة الاندومي وهم يقوموا بحل الإمتحان، الأمر الذي تفاعل مع العديد من الطلاب وأولياء الأمور.

وتفاعل المئات من أولياء الأمور من الأمهات علي صفحة اتحاد أمهات مصر للنهوض بالتعليم، في الفيس بوك، حيث قالت ولي أمر: “احنا عملنا سندوتشات سجق وكبده في البيت، ومديتهومشي فرصه للاندومي”، وأضافت أخري ساخره: “وأنا اللي افتكرت ابني لوحده اللي بيتكلم اندومي، كده يبقي الإمتحان باللغة الصينية”.

واستكملت أخري: “أصل الاندومي ده بالنسبه لهم حاجه حلوه تغطي علي المرور اللي بيشوفوه”، وتابعت أخري: “كل الأولاد بيحبوه جدا زي الكشري بعد الإمتحان”، وذكرت أخري: “بيروقوا علي نفسهم”.

وكشفت بعض الأمهات عن إعداد وجبات أخري لأبنائهن خلال أداء الإمتحان من المنزل مثل وجبات البطاطس المحمره والكاتشب، وأطباق فاكهه، وساندوتشات الجبنة، والبيض واللبن والخضار مع اللحمة أو الفراخ، والمكرونة بالتونة.

بينما قالت ولي أمر أخري: “يا ماميز أرجوكم بلاش اندومي، انا بنتي بهدلتني شهر ونص تحاليل واشاعات ومنع من كل الأكل وعايشه علي جبنه قريش من غير أي حاجه عليها وخضار مسلوق بمياه فقط لاغير وده لأن الاندومي جابتلها صفرا والتهاب كبدي وبروتين في البول وقرحه في المعده وقرحه في الاثني عشر وعندها 10سنين ارجوكم بلاش اندومي”.