وزارة الخصخصة لأولياء الأمور : هتدفع يعني هتدفع !!

خلاص الحكاية واضحة وعلى عينك يا تاجر

عايزين نعمل مدارس خاصة لهيئات معينة !!! بس الوزير رافض !!! خلاص نشده

نسرب الامتحانات ونرعبه لحد ما يرضى !!! وزي ما قلنا الوزير جاب ورا

امبارح … حصل الكلام ده .. ايه ده يا فندم ؟ اللواء مجاش النهاردة ؟ طب يابني الحق اعمله قرار تجديد !! احسن يزعل الكبارات مني

الميد تيرم .. ايه ده .. أولياء الامور زعلانين ؟؟ خلي الوزير يقابلهم !! طب مانت الوزير يا فندم !!!! لأ أنا قصدي خلي حجازي هو فاهم أكتر مني وهو اللي عارف؟ انا بمضي بس

خلاص ادفع وعلم ابنك في جامعات خاصة وسيبك من الثانوية .. ما هو التسريب مقصود علشان يلغوا التنسيق !!

خلاص ادفع للدروس الخصوصية ولو مش عاجبك هنعمل مجموعات تقوية نسترزق احنا كمان ؟ اشمعنى المدرسين لوحدهم !! لازم نقسم معاهم اللقمة

عايزين نظام ال ” 4 quarters ”    ؟؟  لأ  !! احنا هنرخم أكتر ونخلي بدل ما الميد ترم واحد هيبقى 3

العيل ياخد دروس اكتر ويزهق أكتر

مش عاجبك ؟؟ دخل ابنك مدرسة خاصة والدرجات مقولكش بقى ؟؟ زي ما نت عايز المدرسة هتديلك

طب ايه تاني ؟؟ عايزين نرخم على الخلق .. نعمل ايه يا مستشارين ؟؟؟

بص يا فندم ؟؟ احنا نجبر الطالب يدفع المصروفات غصب عنه هيدفع هيدفع حتى الفقراء ملناش دعوة المدرسة تشحتله ” المشاركة المجتمعية ” ومفيش طالب هيخش المدرسة من غير ما يدفع

اللي دفع مصروفات يلعب ويروح رحلات ويقرأ كتب .. واللي مدفعش ملوش لازمة .. ربط المصروفات بالأنشطة

الطالب اللي داخل اولى ابتدائي يدفع .. وواللي معهوش بلاش مدارس ليه خالص .. يشوفله حاجة تانية

وكمان استمارة 6 ملوش امتحان عندنا لو مدفعش المصروفات

ونفس الكلام في اعدادي وثانوي للي داخل أولى والشهادة

يعني هتدفع هتدفع

طب ايه تاني ؟؟ عايزين نرخم عالناس .. نعمل ايه يا مستشارين ؟؟؟

بص يا فندم احنا نعمل حاجة بجملة اللي بنعمله حاجة اسمها خصخصة

يعني ندي الأرض لرجال الأعمال بتوعنا يعملوها مدارس خاصة للأغنيا وكمان مدارس لجهات خاصة ونسترزق من السبوبة بعمولات وهدايا والعلمية تزقطط معانا .. والأرض مش بتاعتنا أصلا دي بتاعة الدولة أو ناس متبرعين بيها

يبقى الفقير رخمنا عليها وودينا مدارس فقيرة زيه .. واللي مش عاجبه يسيب المدرسة

والغني عملناله مدارس تدفعه دم قلبه طالما هو قادر وعايز

مش مصدق شوف قرار المصروفات وانت تعرف ..