كتب / عبدالله العزازي

تيسيرًا على المعلمين وأولياء الأمور واستباقًا للأحداث ننشر لكم عناوين المواقع الأسبوع المقبل لكي تحبط المعلمين وتصرف نظرهم عن وقفتهم يوم 20 سبتمبر المقبل .. 

دي المسكنات اللي هتنزل ……… اوعوا تلتفتوا لها

• اللواء العصار رئيساً للوزراء  …… مش عارف مصدر الخبر صراحة إيه ولا مين اللي بيروجه .. لكن ده كلام تم إشاعته خلال الأسبوع المنقضي وبيقولوا ان هيتم التنفيذ الأسبوع المقبل .. هري وخلاص من باب ان فيه تغيير

• إقالة الهلالي …. ده كلام بقالهم شهور بيروجوله ان الهلالي ماشي .. وهو مكمل ولا بيبص حواليه أصلا

• الهلالي مكمل علشان مشروع الاستثمار في التعليم

• تطبيق لائحة الانضباط وخصم درجات لطلاب 1 ث . لما ييجوا يطبقوه على سنة 3 ابقوا صحوني

• تعديل قرار التقويم الشامل 313 ده لأن أولياء الأمور رحبوا جدا بالتعديل وعملوا حملات للترحيب .. والوزير قال كده لرئيس الوزراء .. صدقوني .. حصل وقال

• الوزير بيفكر في الاستجابة لضغط أولياء الامور .. وده هينزل قبل الخبر اللي فات كتنويم للناس قبل التطبيق

• قانون التعليم هيطلع من الدرج وهيتناقش في البرلمان .. لكن الميعاد . فوت علينا بكره يا سيد . متفقناش على الميعاد يا جيمي

بالنسبة بقى للمعلمين ووقفتهم 20 سبتمبر

قولوا لحبايبنا المواقع تنزل بالعناوين دي

• تطبيق قانون التعليم على أول 12 بأثر رجعي مش عارف من امتى بس أي كلام يا عبسلام

• مش عارف نصاب المعلم كام في القانون الجديد

• مش عارف مرتب المعلمين كام ألف

• صنع في مصر بأيدي مصرية

• شوف مميزات القانون الجديد

• القانون في البرلمان

• القانون في الحربية .. القانون في الأسطول .. أقول تاني ولا نكمل السلسلة

• الترقية .. وكمان مرة الترقية … ومش عارف هنرقي كام والمدد البينية كام وبأثر رجعي من كام ……. أحب أفكرك ان المعلمين المساعدين دفعة مارس ورقهم راح الأكاديمية من شهور ولسه مش لاقيينه ولا لاقيين وزير الديوان يمضى على قرار التثبيت .. فما بالك بدفعة 6 … ودفعة 9 اللي هيجمعوا ورقهم بعد العيد

أهم حاجة انك وانت بتروج الأخبار علشان تنيم الناس دي كل شوية تقول عدو المعلمين .. عدو المعلمين ..

مقالات نرشحها لكم

علشان تعرف بزنس الوزارة اضغط هنا

الوزارة والاشتغالات اضغط هنا

لتحميل الكتب وتوزيع المناهج اضغط هنا