دشنت حملة “تمرد على المناهج التعليمية ” مبادرة جديدة بإطلاق حملة (فكرة) والتى تتبناها حملة تمرد على المناهج التعليمية وكانت أول فكرة هي تشجيع الطلاب على القراءة في الأجازة الصيفية
أول فكرة هنناقشها مع بعض هى تشجيع ولادنا على القراءة فى الصيف فاكرين زمان كنا ازاى بنستنى الاجازة عشان نشترى كتب وقصص ونقراها فاكرين كنا ازاى بنتسابق مع أصحابنا مين خلص قبل التانى
هتقولولى الزمن غير الزمن والجيل غير الجيل هقولكوا لا .. القراءة ملهاش زمن ولا جيل
بدليل أن كل الدول المتقدمة ما زالت شعوبها بتقرا على الرغم من التقدم التكنولوجى الهاااائل وبدليل كمان أن جيلنا كان بيعتمد على نفسه وكنا بنختار الكتب والقصص اللى تناسبنا وبنقرأها لوحدنا وده على الرغم من ان اهالينا فيه منهم مكانش على نفس مستوى العلم والوعى اللى احنا فيه دلوقتى يبقى معقول احنا نكون متعلمين وواعيين ومنساعدش ولادنا يعملوا زينا !!!
يلا كل واحد فينا يبدأ بنفسه وصدقونى حاجات كتيييىرة اوووى هتتغير انا عن نفسى هبدأ اجيب لاولادى كتب وقصص مشوقة زى بتوع زمان وهقرأ معاهم