نطرح ابتكارات الغش لدى طلاب الثانوية العامة لأعضاء اللجنة الفنية لمكافحة الغش الالكتروني

تخيل معنا .. تلك فكرة لأحد الطلاب عن الغش وكيفية الغش بالموبايل دون ملاحظته

بالنسبه للناس اللي بتقولي هنطلع الموبايل ازاي ..

بص ي معلم مبدأياً كده انت بتبقي ف اللجنه بيبقي عليك اتنين مراقبين تمام وبيبقي في واحد رئيس دور ده هتلاقي كل نص ساعه بيجي قدام اللجنه يبص ع اللجنه ويمشي وحرص منه اوي

اهم حاجه اول اللجنه بلاش كلام اعمل نفسك هادي بحيث ان لما المراقب يشوفك بتبص ع حاجه ميجيش جري عليك ..

واهم حاجه تخلي المراقب يحبك هتقولي ازاي هقولك احترمه وهوا هيحترمك وكل حاجه هتبقي بالحب وهيقولكوو خلصوو بس من غير صوت والجو ده تمام

بس علشان تبقي عارف الموبايل ممنوع منعاً باتاً داخل اللجنه ياعني مش معني ان المراقب قلك غش بس من غير صوت يبقي تتطلع الموبايل وتتقفش بيه لأ انت كده بتعمل مشكله ليك وللمراقب تمام ..

هتدخل اللجنه هيبقي معاك الموبايل  ..

هتحاول ع قد م تقدر تدخل اللجنه قبل وصول المراقبين انت اصلاً بتبقي ف اللجنه والمراقبين لسه مدخلوش ..

هيبقي معاك علبه كبريت من الكبيره ام 6 جنيه دي وبقرت شكرتون علشان تقفل علبه الكبريت زي م انت شايف ف الصور كده .. ب

عد كده هتلزقها ف الديسك من تحت بحيث انك لما تحط الموبايل ف علبه الكبريت ميبنش ان ف حاجه ..

ويستحسن انك تلزق علبه الكبريت جامد بشمع او حتي تعملها ب مسمرين عشره المهم تبقي ملزوقه كويس ف الدسك علشان لو الموبايل تقيل الموبايل ميخدهاش ويقع

ويستحسن انكو تستخدمو الموبيلات ال GT السامسونج الصغيره دي حجمها كويس ومش تقيله ولا حاجه ..

اول م هتدخل اللجنه قبل م المراقبين يدخلو وهتعمل زي م قولتلك كده تمام ..

متطلعش الموبايل م البوكسر الا لما بتاع الامن يدخل عليك اللجنه ويفتشك تمام ..

بعد م بتاع الامن فتشك هتقعد عادي جداً هتكتب اسمك ورقم الجلوس وتسطر ورقه الاجابات بحد م نص ساعه م الوقت تعدي بحيث انك تتعرف اكتر ع المراقبين

عدي نص الوقت وحليت اللي عرفته وسبت اللي متعرفوش هتستني لما المراقب ميخدش باله منك او يكون بيبص لحد تاني وتطلع الموبايل وتخلي حد من الديسك اللي جمبك يأمنلك ع المراقبين ..

هتطلع الموبايل ومتنساش تعمله صامت وتكون محوله علشان مفيش حد يتصل بيك وهتلاقي الاجابات مبعوتالك ع الواتس بعد نصف ساعه من وقت الامتحان ..

هتشوف السؤال وهتطلع الاجابه بتاعته من ع جروب الواتس وتبص للمراقب تشوفه فين بيبص عليك ولا بيعمل ايه متعتدمتش ع اللي بيأمنلك ..

هتشوف الاجابه وتروح مدخل الموبايل ف علبه الكبريت بحيث ان المراقب لو شك فيك هيجيلك ميلاقيش معاك حاجه تمام اوي لحد كده ..

لتاني مره متطلعش الموبايل الا اذا كان في حد جمبك بيأمنلك والمراقب بعيد عنك ..

حد هيقولي افرد اتمسكت ..

هقولك دي بقي بترجع للمراقب اللي عليك وانا مقتنع تماماً ان المراقبين بيبقو خايفين جداً لأنهم ف بلد مش بلدهم مش معني كده اني بقولك اعمل بلطجي لأ كله بالحب ..

لو رئيس الدور هوا اللي قفشك احتمال يعملك محضر غش

لكن المراقب ممكن ياخد منك الورقه ويدهالك بعد ربع او نص ساعه وهياخد الموبايل هيدهولك وانت خارج متخفش ياعني

بس انت بدماغك هتعرف تقرر المراقب ده طيب ولا ولا ولا الخ ..