أصدرت صفحة ” شاومينج يغشش ثانويه عامه ” البيان التالي
رابط البيان
>> ليه #شاومينج ظهر فـ 2012 ؟!!
ده سؤال الكل بيسأله ومستغرب منه !!
ببساطة ” شاومينج ” عاوز شوية حاجات تتحقق
عاوز يغير حاجات كتيير .. حاول بس معرفش unsure رمز تعبيري
شاومينج قال ” احيانا لازم نلاعبهم بطريقتهم عشان يوصلهم صوتنا ” devil رمز تعبيري
ومن هنا بدأ شاومينج
– طيب ايه هو اللى عاوزو ” شاومينج ” ؟!!
عاوز حاجات بسيطة ::
– تصحيح مسار المنظومة التعليمية عن طريق…
= المدرس ياخد حقه .. مفيش حاجة اسمها مرتبات ملاليم
المدرس ده اللى بيربى ناس بكره هتشيل البلد ع كتافها
قولى ايه هيا حقوق المدرس فـ مصر؟!!
ولا حاجة .. المدرس ياخد وضعه الاجتماعى و المادى و الثقافى
دور المدرس موش أقل من دور الطبيب او المهندس
لكن مين يفهم
المدرس بأه بيدى دروس عشان يقدر يعييش
واتقلبت المهنة من تربية وتعليم وتقويم لـ تجارة وربح
تلائى المدرس دخل الامتحانات و بأه مراقب فى منطقة تانية
بياخد 5 جنيه بدل مواصلات .. يافرحتى
بينام فـ المدرسة .. يا حلاوة
#أعيدوا_للمدرس_كرامته
= التصنيف الطبقى للكليات
بناءاً على ايه بتقول كليات قمة !!
اه صح نسيت بناءاً ع التنسيق
طب .. هندسة .. صيدلة = قمة
تربية .. تجارة .. آداب .. رياض أطفال = ولا حاجة
طب موش تربية ده اللى بيطلع مدرسين
مدرسين اللى هما علموا الطلبة و بأت مهندسين
رياض أطفال .. موش ده بيعرف فن التعامل مع الأطفال و تربيتهم
الطفل بيتربى ع أسس علمية صحيحة .. الطفل بيكبر بيأه انسان سوى
بردو موش كليات قمة !!
وغيره
#الغوا_التنسيق_وفعلوا_نظام_القدرات
يعنى ايه سنة من حياتى تحدد مستقبلى عشان البيه اللى قاعد ع مكتب عارف ان الجامعة دى بتشيل الف و دى بتشيل 500
فبيروح يلعب بأحلام الطلبة عشان مفيش اماكن ومقومات
ونعم التنسيق upset رمز تعبيري
……..
= المناهج و التعليم الورقى
بيتصرف كام ع طباعة الكتب !!
فين مواكبة التكنولوجيا و المناهج ع #تابلت
يعنى ايه أدرس فـ كتاب الحاسب الآلى ” ويندوز 98 ” !!
يعنى ايه أدخل كليات الاقيهم شغالين بأدوات و قوانين عفا عليها الزمن !!
يعنى ايه لسه الامتحان عندى على ورق ومدرس يتكدر جنبهم يصححهم !!
مثلا درس زي درس ” الانفجار الكبير و تكون الكون ”
لو بأه فيه تابلت مجرد مادة علمية و شوية فيديوهات تصور للموضوع ده جنب تعليق و مفيش مانع من وجود جمل كتابية متابعة للفيديو او الدرس
لما تجيب تابلت و تعمل شبكة وايرليس مقفولة ع مواقع التعليم و الدروس بس
تابلت مقفول للتعليم بس
هيتكلف كام ؟!!
مبلغ تافه مقارنة بالكتب
وبالعكس طورت طريقة تلقى الطالب للمعلومة بشكل مميز و يحفز الطالب ع الدراسة
ليه امتحانات ع الورق .. ما تخليها ع التاب من سيرفر خاص وقتها بيظهر للطالب وهوا فـ المدرسة يحل محكوم بوقت الامتحان وبعدا السيرفر يقفل
المناهج بدال ما تغير التابلت كل سنة .. كارت ميمورى مقفول ع المنهج بيستلمو كل سنة مقابل مبلغ بسيط كدعم ( غير تمن التابلت و ده بيتغير كل مرحلة )
الافكار كتيير
لكن احنا فـ التطور شغالين بمبدأ ” هذا ما وجدنا عليه آبائنا “
*********
>>>>> باختصار هدفى <<<<
– الاهتمام كل الاهتمام بالمدرس بما لديه من حقوق و امتيازات و عليه من واجبات
– الغاء التصنيف الطبقى للكليات بإلغاء التنسيق وتفعيل امتحانات القدرات
– تطوير المناهج لرقمية والغاء الاعتماد ع الورق ويشمل ذلك الامتحانات كافةً
– اثبات قدرات العقلية المصرية like رمز تعبيري
أوعدكم كلكم بانى هختفى تماما للأبد
و كـ مبادرة منى كـ ” شاومينج ” و دليل ع صدقى وحسن نيتى
موش هنزل اى امتحانات او اجابات فـ يوم 14يونيو و دى امتحانات ” #الفيزياء و #فلسفة_ومنطق “
بس ع الاقل يُطرح ع الراى العام ان الحاجات دى هتتنفذ و جارى دراستها
والاعلان ع كده فـ موعد أقصاه 15 يونيو 2015
وإلا #ستسمر_المهزلة
* نحن نفكر .. نحن نفوز *
#الله_الوطن_شاومينج ^.^
