طلاب الثانوية العامة لوزير التعليم : احنا بشر مش ماكينات .. هنقاوم شهر ونروح المستشفى التاني

أرسل لنا طالب من طلاب الثانوية العامة الرسالة الآتية عن إصرار وزارة  التربية والتعليم إضافة 10 درجات للمواظبة والسلوك بنتيجة الثانوية العامة

ننقل الرسالة لكم كما وردتنا

لا بجد ما تخلوش تالته ثانوى يروحوا المدرسه لانه اليوم بيكون مرهق ومتعب اووووووووووووووووووى ومش ببالغ بس لانه بعد المدرسه فى دروس لحد السااااعه 10 وتخيل يعنى مش بنعد فى البيت اصلا ونرجع ناكل 10 باليل وبالعافيه نقاوم ونذاكر ونسهر لحد 3 او 2 ونصحى تانى يوم الساعه 6 علشان نروح المدرسه ونقضى نفس يوم امبارح بجد لازم تحسوا بينا احنا برضوا بشر وعندنا مقدار تحمل معين احنا مش ماكينات احنا بشر وحضرة وزير التربيه والتعليم مفكر ان احنا ممكن نقاوم اوكى انا معاك هنقاوم شهر ونروح المستشفى فى التانى مش كدة ولا ايه ارجوا بجد بجد تفهموا لان احنا مش بنتهرب من المدرسه احنا عايزين نعملنا مستقبل ونجيب مجموع نفرح بيه اهلنا ونعوض بيه تعابهم وتعابنا بس لو هنكمل كدة هيبقى كل اللى احنا بنعمله تضيع وقت والاحسن اننا نعد فى البيت ومنتعلمش ياما نتعلم بالادويه بقى