أجري اتحاد أمهات مصر للنهوض بالتعليم، برئاسة عبير أحمد، استطلاع رآي حول مدي رضا أولياء أمور طلاب المراحل التعليمية المختلفة فيما يتعلق بالأنشطة الطلابية داخل المدارس.

وأضافت عبير، في تصريحات صحفية، أن الاستطلاع شارك فيه 572 ولي أمر بمختلف المدارس علي مستوي الجمهورية، وأسفرت النتيجة عن وجود 555 ولي أمر غير راضين علي مستوي الأنشطة بالمدارس أي بنسبة 97%، بينما أبدي 17 ولي أمر أي بنسبة 3% ترحيبهم ورضاهم عن مستوي الأنشطة.

وشددت عبير، علي أهمية ممارسة الطلاب في جميع المراحل التعليمية للأنشطة الطلابية المختلفة سواء الرياضية والثقافية والفنية والعلمية والإجتماعية لما تمثل أهمية كبيرة في حياتهم وتعمل علي بناء جيل واعي وقادر ومميز وسوي في المستقبل، مطالبة وزارة التربية والتعليم بالتركيز عليها داخل جميع المدارس وحل جميع المشكلات التي تعوق تنفيذها.

وكان المئات من أولياء الأمور تفاعلوا علي صفحة اتحاد أمهات مصر للنهوض بالتعليم، في الفيس بوك، حيث قالت: “حاجه تحزن.. الأنشطة بقت ذكريات للأسف، فين أنشطة زمان؟، الرسم والموسيقي والزراعة والتريكو وفن الطبخ والخياطة والصيانه والألعاب الرياضية والمسابقات بين المدارس!! وحصة المكتبه الرائعه.. أنشطة اليوم أنشطة عقيمه ومالهاش لازمه.. قال نشاط فني قال!، وياريت الطفل هو اللي بيعمله عشان يستمتع حتي ويبقي عنده خبرة استخدام الأدوات زي المقص او اللاصق، دي الميس هي اللي بتعمله للولاد والأطفال متفرجين فقط كمان”.

وأضافت ولي أمر أخري: “مفيش أنشطة، إذا كان في عجز في مدرسين المواد الأساسية هيبقي فيه مدرسين أنشطة؟”، وتابعت أخري: “مفيش أنشطه أساسا وأقصى حاجه ييجوا طلبة التربية العملى بيلعبوا الأولاد حصة العاب وبس”.

واستكملت ولي أمر: “حصص المكتبة والموسيقي بتتاخد للمواد التانيه، الحصة اللي الأطفال بيستنوها”، وقالت أخري: “الولاد عندنا ميعرفوش يعنى ايه نشاط مدرسى ولا بياخدو حصة العاب ورسم، تفتكرو هينمو مواهبهم ازاى؟، وبيقولوا مفيش مدرسين”.

وذكرت أخري: “للأسف مش كل المدارس مهتمه بالأنشطة ولكن اللي عرفته إن الأنشطة محتاجة ميزانية وامكانيات بعض المدارس لا تسمح أو لا توجد ميزانية، طبعا دي أمور انا كمدرسة ما عنديش فكرة عن المسؤول عن تمويل الأنشطة المدرسية وما يهمنيش أسال
ولكن اللي عندي في مدرستي وهي مدرسة اعدادي بنين الفترة الوحيدة المتوفرة من الأنشطة هي الألعاب،
الأولاد عندهم طاقة لابد من استغلالها وهم عندهم استعداد فعلا،
مثلا عندنا مقاعد كتير متكسرة والأولاد عندهم حصة مجالات فسألت ليه ما يستغلوش الخشب ده في حصة المجالات بدل ما الأولاد يقعدوا في الحصة كدا من غير ما يعملوا حاجة، قالوا الخشب دا يعتبر عهدة هنتحاسب عليها، يعني من الأخر يتركن خشب كدا في مكان في المدرسة ولا يمدوا ايديهم عليه”.

لصفحة نتيجة الشهادة الإعدادية اضغط هنا

لأخبار محذوفات المناهج 2020 اضغط هنا

لتحميل الكتب المدرسية والأسطوانات اضغط هنا

لأخبار فيروس كورونا اضغط هنا

روابط نرشحها لكم

لنتيجة الشهادة الإعدادية جميع المحافظات اضغط هنا

نتيجة أولى ثانوي اضغط هنا

نتيجة تانية ثانوي اضغط هنا

نتيجة كل الصفوف اضغط هنا

لوظائف التربية والتعليم 2020 اضغط هنا

تواصل معنا

لصفحتنا على الفيس بوك اضغط هنا

انضم لجروبنا الرسمي وتابع الأخبار اضغط هنا

لمتابعة نتائج الامتحانات اضغط هنا

للإطلاع على أخبار محافظتك اختر من الجدول