اضغط هنا لمشاهدة تصريح المديرية
تعقيبًا على تصريح مديرية التربية والتعليم بالغربية بصلاحية استخدام حمام السباحة باستاد طنطا الرياضي ورد لنا الرد التالي
مع احترامي للأستاذة موجه عام التربية الرياضية وموجه اول التربية الرياضية وكمان مدير عام مجمع السباحة حضراتكم بتبرروا ايه حمام السباحة ده مهجور من كذا سنة اللي حصل انهاردة دي إهانة بمعني الكلمة لاولادنا وشبابنا وإهانة لينا كاولياء أمور باعلم إبني واقوله دوس علي ادميتك وانسانيتك في مقابل درجات للاعدادية او للثانوية ويا سيادة المسؤولين المحترمين البطولة الإفريقية للسباحة تقام حاليا علي أرض مصر بالقاهرة لو انتوا توافقوا علي ان ضيوفنا تعوم في قش الأرز احنا كمان هنوافق ان ولادنا يعوموا في قش الارز اللي انتوا بتقولوا عليه
مع إن قش الأرز لم يكن السبب الوحيد لاعتراضنا اسباب اخري كثيرة ارضية الحمام مليئة بالفطريات او العفن مع محاولة اقناعنا ان ده اسمنت ابيض العامل اللي بيحاول ينظف بشبكة مقطوعة منظر كدة يعني وجود حمام الغطس الفارغ ملاصق لحمام السباحة كالبير العميق مع احتمال لا قدر الله سقوط الاطفال او حتي الكبار به لاي سبب من الأسباب يعني عدم توافر عنصر الأمان في مكان اقامة البطولة
لا كمان مستوي الماية في الحمام منخفض جدا يعني لو سباح عمل استارت ممكن لا قدر الله يخبط في ارضية الحمام ما فيش بلوكات للستارت وما ينفعش السباح يعمل تيرن لانخفاض الماية والمهم بعد كل ده السيد المحترم مسؤؤول الاستاد نزل سباحينه عشان يقلبوا قش الأرز وطبعا تم تصوير هذا المشهد عشان حضراتكم تنشروا الصورة وتكتبوا التقرير السابق الرائع عشان صورتكم تفضل حلوة أمام رؤساكم طب وأمام ربكم اتقوا الله يا مسؤولي التربية والتعليم ومسؤولي النشاط الرياضي في ولاد وشباب مصر
