نتائج الامتحانات

خطوة بخطوة .. كيف تتظلم من نتيجة الثانوية العامة ٢٠٢٠

سوف تبدأ التظلمات اليوم الخميس الموافق 6/8/2020
لمدة 15 يوم فقط
كل مايخص تظلمات الثـــانويـــة العامــة 2020
****************************
الخطوات

1- هتروح البريد او تدفع فورى ( رقم فورى 66616) هتقولـــة أنا عايز اعمل ايداع لصالح صندوق دعم وتمويــل المشروعات التعليمية ( هو هيفهم على طول علشان التظلمات )
هتدفع مقابل كل ماده 100جنيه + 2 جنية رسوم زى خدمه كدا يبقى كله 102 للمادة الواحدة
لو عملت فى اكتر من مادة كلها هيطلعوا فى أيصال واحد بس خد بالك أن الايصال يكون مكتوب عليه أسم الطالب + عدد مواد التظلم

2- هتاخد الأيصال بتاع السداد ومعاه صوره البطاقة الشخصية وصورة شهادة الدرجات وتروح بيهم مديرية التربية والتعليم تقدم طلب للاطلاع على المادة او المواد اللى متظلم فيها المديرية هتقولك على مكان الكنترول والمعاد اللى هتروح فيه علشان تتطلع على ورقتك

3- هتروح الكنترول فى المكان اللى هتحددهولك المديريــة الساعة 9 صباحا

4- هيسمح ليك الكنترول انك هتشوف صوره من كراســة إجابتك وتدون الملاحظات ودا الجانب المهم بقى
هيبقى معاك اثناء رويه روقتك 3 حاجات
1- ورقه اجابتك
2- نموذج الاجابه الرسمى
3- ورقه لكتابه الملاحظات

الحالات اللى انت هتاخد فيها درجات كالتالى :-
– وجود أجزاء من الإجابة غير مقدرة.
– عدم صحة جمع جزئيات درجات كل سؤال من الداخل أو عدم مطابقتها للدرجات المدونة على المرآة الخارجية لكراسة الإجابة.
– الخطأ في جمع الدرجات الكلية للأسئلة على المرآة الخارجية لكراسة الإجابة
– يحق للطالب تدوين أية ملاحظات أخرى بخلاف ما سبق ذكره إذا ما ارتأى الطالب إنها ذات تأثير على مجموع درجاته بالمادة المتظلم من درجاتها.

ركز على الحاجات دى يابطل واى سوال تستحق فيه أكتر أكتب دا وبالتفاصيل وخط واضح وباذن الله تاخد الدرجــــه
خد بالك من تجميعة الدرجات الكلية ( بيبقى فيها غلطات كتير )
طيب أضيع الكلام دا ازى بص على الكلام اللى جاى دا

اولا:-
اروح اجمل درجات كل سوال كويس جدا جدا جدا لان غالبا بيكون الخطا فى جمع الدرجات اتاكد من كل سوال انا مجاوبه واخد عليه درجه
فى حاله انه طلعلى درجات اكتب ايه فى الملاحظات :-
يوجد غلطه فى تجميع السوال الرابع المفترض ان اكون حاصلا على 13 من 15 ولكن دونت لى 12 من 15 وهكذا (بتاخد الدرجه باذن الله ) ❤
ثانيا:- سوال مش متصحح
هكتب ايه
هتكتب يوجد سوال وتكتب رقم السوال لما يتم تصحيحه وتم جمع الدرجات بدون هذا السوالــ وتتاكد ان فعلا درجات السوال مش مضافه على مجموع الماده

بلاش ياجماعه نكتب ملاحظات فى كل الاسئله يعنى السوال لو تمام خلاص منكتبش حاجه علشان المستشار الا بيراجع الورقه !!! تمام

الكنترول هيتواصل معاك وهتعرف نتيجة التظلمات عن طريق الكنترول او موقع وزاره التربية والتعليم زى النتيجة بالظبط كدا

– تتولى وزارة التربية والتعليم والتعليم الفني (الإدارة العامة للامتحانات) اتخاذ إجراءات إخطار وزارة التعليم العالي والبحث العلمي (مكتب تنسيق القبول بالجامعات) بنتيجة الطالب/ الطالبة بعد تعديل درجات المادة أو المواد المتظلم فيها بحيث يتم عمل التنسيق على هذا الأساس.

عبدالله العزازي

مدير التحرير .. باحث بالدراسات العليا قسم التربية الخاصة

مقالات ذات صلة

زر الذهاب إلى الأعلى

تم إكتشاف مانع الإعلانات في متصفحك

برجاء تعطيل مانع الإعلانات لتصفح الموقع بشكل أفضل وكذلك دعم الموقع في الإستمرار، بعد التعطيل قم بعمل إعادة تحميل (Refresh) للصفحة