خطوات سداد الرسوم المدرسية
💦 لازم وجود الرقم القومي الخاص بالتلميذ مكون من
١٤ رقم فى شهادة ميلاد التلميذ من أعلي الشهادة لو لم يكن الطالب استخرج البطاقة وبمجرد كتابة الرقم القومي ستظهر كل بيانات الطالب وسيتم دفع المصروفات .
💢 وإذا ذهب ولي الامر البريد وقالوا له إن الرقم القومي
غير مسجل ؟
🌹 فعلي ولي الأمر أن يذهب للمدرسة ويطلب من مدير المدرسة أو مسئول الحكومة الإلكترونية بالمدرسة تسجيل الطالب علي موقع الوزارة في بيانات الطالب حتي يتسني لك الدفع في البريد .
💦 أعمل ايه لو ابني من أبناء العاملين بالتربية والتعليم ؟
🌹حضرتك هتجيب طلب بتخفيض الرسوم لأبناء العاملين موجود في كل مدرسة عند شئون العاملين حسب القرار الوزارة ١٥٥ الصادر في ٢١ / ٩/ ٢٠٢٠م وتختمه من المدرسة
ويُعتمد بختم النسر من الإدارة التعليمية وتجيب صورة البطاقة وتذهب بهم للمدرسة أولًا .
💥 المهم هتروح البريد هيقولك إن ابنك عليه مثلًا لو في رياض الأطفال حتي الثالث الإبتدائي ٣٠٠ ج أو الصف الرابع الإبتدائي حتي الصف الثالث الإعدادي ٢٠٠ ج أو ثانوي عام
٥٠٠ ج أو فني ٢٠٠ ج تقوله ابني من أبناء العاملين يقولك مليش دعوه نازل علي السيستم كدا .
💥 تعمل ايه قبل ما تروح البريد ؟
🌹 بعد ما تجيب طلب الإفاده بتاع الخصم تروح لمسئول الحكومة الإلكترونية بالمدرسة و يعلم علي اسم ابنك من موقع الوزارة بيانات الطالب من أبناء العاملين وبكده هيظهر في البريد المبلغ بعد الخصم .
💥 بعد كده وبعد دفع المصروفات بصفة عامة هل مطلوب منّا شيء آخر؟
🌹تبعت أصل الإيصال وصورتين للمسئول المالي بالمدرسة وتأخذ صورة ليك معتمدة صورة طبق الأصل من المدرسة .
💥والمسئول المالي يعمل كشف مسلسل – اسم الطالب – الصف الدراسي – رقم الإيصال – تاريخ الإيصال في كشف .
💥 الطلاب اللي هيسددوا الرسوم المقررة بقوانين (استثناءات) لازم يجيبوا بحث من التأمينات الإجتماعية وتروح به المدرسة ويعملوا ذي أبناء العاملين بالضبط لازم المسئول الحكومة الإلكترونية يعلم عليه في خانة بحث علشان يظهر مبلغ الرسوم المقررة وبعدها يذهب يسدد المصروفات وباقي الخطوات عادي
