بقلم / إيهاب الخنيني
تطوير التعليم
انا مدرس ابتدائى علي قد حالى
لو عايز تطور التعليم (بالبلدى كده ) لازم
تحدد المهارات اللى لازم التلميذ يتعلمها فى كل سنة
كتر من العملى و خفف من النظرى
خلى كتابك جذاب جدا
خللى الصفحة فيها شرح و ملخص و افكار
كل فكرة عليها كام سؤال يشرحهم الاستاذ
و كام سؤال على نفس الفكرة يحلهم التلميذ بايديه
و كام سؤال يحلهم فى الواجب
خللى الكتاب ملعلع (الوان و صور )
مافيش حاجة اسمها الدين مش فى المجموع و خد دينك من اى حد
اغرس الانتماء
خللى الامثلة جذابة
اغرس الانتماء
خليه يشتغل بايديه
الغى الدرجات
و خللى الاستاذ يعلم علامة صح على المهارة اللى التلميذ اتعلمها
خللى المنهج متكامل
بمعنى
درس القراءة عن الجهاز الهضمى درس العلوم عن الجهاز الهضمى حصة الرسم عن الجهاز الهضمى
ركز على المهارة
ركز على تعليمه اللى البلد محتاجاه و على اللى هينفعه فى مستقبله
ركز على الاخلاق و الدين و الوطنية و التنمية البشرية
خللى المنهج جذاب
اعمل المنهج فيديو مثير
خللى العلوم و الدراسات فيلم
بطلوا تدلعوا الاولاد خليهم يشتغلوا كتير
و فى الصيف المدارس الفنية تعلم الولاد صنعة
خليه ينتج بايديه و يكسب و يكسب البلد
خللى المدارس تكسب و تكسب البلد
خففوا سجلات المدرس
لازم مدرس دين من الازهر
خللى الكتاب كشكول جذاب هو مذكرته و هو برضه كشكول حصته و واجبه
اعمل حساب تعليم ولى الامر اللى هيذاكر له
عرفه يعنى ايه تعليم
و ليه هو بيتعلم
عرف التلميذ باهميته لنفسه و لبلده
بطلوا تدلعوهم
لو بتحبوا اولادكم علموهم
يقروا يكتبوا يساعدوكم فى شغل البيت يلعبوا العاب جسمية
علموهم ازاى يعملوا برنامج كمبيوتر
علموهم يحبوا بلدهم
علموهم يحترموا الكبير و يحترموا زمايلهم
علموهم يساعدوا بعض فى انشطة المادة
اشغلوا وقتهم بالشغل و العمل
خلوا اجازتهم مفيدة يشوف بلده
و يشوف الحاجات بيقرا عنها فى الكتب
نظموا رحلات اسبوعية
خلوهم يحبوا بلدهم و يحبوا يقروا و يحبوا اللى بيقروه
خلوهم يحبوا الشغل و الاخلاق و يتنفسوها
وفر الخبرة الحقيقية لطلاب كليات التربية
خلوا كتابهم مرتبط بالواقع
و حسنوا كتبهم و ثقفوهم
تطوير التعليم يبدأ من هناك . من طلبة كلية التربية
احسنوا اختيارهم و اعدادهم
علموهم يشتغلوا صح
علموهم يشتغلوا كتير و يساعدوا الناجح
علموهم يشتغلوا بضمير و يتصوروا قليل
قدموا لهم الخبرة الحقيقية
ابنوهم احسن ما تبنوا لهم
استثمروا فيهم
