كتب / عبدالله العزازي

أعلن جروب ” تمرد على المناهج التعليمية المصرية وادمنز جروب منهجكم باطل عن صياغة هذه المذكرة والتى سوف يتم تقديمها ان شاء الله الى مكتب الرئاسة

انا الأم المصريه المطحونه

انا الأم اللي من قبل الدراسه بتظبط جمعيات عشان مصاريف المدارس والدروس

انا اللى بتصحي ولادها م الفجر عشان مدرستهم وبتعمل كل حاجه بسرعه

انا اللى بتروح شغلها وترجع تطبخ وتجهز الغدا وهى بلبس الشغل وتغدى ولادها وتنزل تودى الدروس وتجيب م الدروس

انا اللى بتلم الكتب وشنط المدرسه وتذاكر لده وتشرح لده وتسمع لده

انا اللى طالع عينى وبذاكر مناهجكم عشان اعرف اشرحها لولادى

انا اللى بعلم ولادى وانا حزينه انهم مش بيستفيدو حاجه

ايوا يافندم انا الأولي بالاحترام والتقدير

ايوا يافندم انا اللي هعلم ولادى تعليم محترم

ايوا يافندم انا اللي عاوزة اطلع جيل محترم

ايوا يافندم انا اللى مش هسيب ابنى ياخد شهاده ويسافر ويسيب البلد

ايوا يافندم انا الأم المصريه المطحونه

 

 

 

 

لنتائج جميع المحافظات اضغط هنا