أولياء الأمور بالقاهرة : خدوا الفلوس اللي عايزينها ونزلوا التنسيق . حنموت إحنا وعيالنا وبيوتنا بتتخرب

كتب / عبدالله العزازي

طالب أولياء أمور الطلاب بمحافظة القاهرة بتخفيض التنسيق ليماثل على الأقل تنسيق العام الماضى، كما طالب أولياء الأمور ليصل إلى 205 درجات، ليتمكن أبناؤهم من الالتحاق بالثانوية أسوة بباقي المحافظات التي لم يتخطَّ الحد الأدنى بها 210 درجة، مثل محافظات الجيزة 200 درجة على الرغم أن نسبة النجاح العامة في الشهادة الإعدادية بالقاهرة أقل من الجيزة

قال أحد أولياء الأمور

منكم لله وفصول خدمات ايه اولا اماكنها بعيدة ومش موجودة في مناطق سكنا وسكن غيرنا من ادارات مختلفة علي مستوي القاهرة

نحن مش حنسكت حنصعد المواضيع الي اقصي درجة محافظة الجيزة ٢٠٠ درجة من غير تخفيض ونسبة النجاح ٨٠٪ يا ناس في القاهرة ٢٣٠ ونسبة النجاح ٧٥٪ بزيادة ٣٠ درجة عن محافظة الجيزة وتنزل ل ٢٢٥

انتوا بتضحكوا علينا انتوا بتستهتروا بينا دخلونا مدارس حكومية وخدو فلوس مدارس الخدمات وارحمونا بقي

حنموت احنا وعيالنا وبيوتنا بتتخرب ارجوا من كل ولي امر عدم السكوت علي هذا الامر ده مستقبل ولادنا

شويا يقولوا بندعم التعليم الفني وشوية مدارس الخدمات ارحمونا وخدوا مصاريف الخدمات وولدنا يدخلو المدارس اللي احنا عاوزينها بالقرب من سكنا ارحمونا شحتتونا وبهدلتونا

لازم عمل محاضر في اقسام الشرطة وعمل شكاوي الي جميع الوزارات ورئيس الجمهورية ووزير التنمية المحلية ومحافظ القاهرة ونطالب باقالة ووقف فاطمة خضر عن العمل وتحويلها للتحقيق للضرر بنا وباولادنا

منها لله مش حسكت ومش حسيب حق ولادنا

هو ايه دعمكم للتعليم الخاص واضح وظاهر للعيال الصغيرة

والله مش حسيب حقي ولو حموت منكم لله ده مستقبل مستقبل مستقبل لازم تخضعوا لارادة الشعب والراي العام عاوزين التنسيق ينزل تاني ٢١٠

وقال آخر

انا مبنمش ولا انا ولا ابني طول الليل والنهار عياط بعد سنه شقا وتعب وحرقت دم ابني جايب 212 يعمي بنسبه 70%
يرضي مين ان هو ميدخلش ثانوي وتقديري في الشهاده جيد هو وغيره حرام عليكوا مستفبل اولادنا
والله انا لو عارفه ان التجاره والصنايع ليا مستفبل لكن للاسف في مصر ملهاش مستقبل ارحموا ضعفنا وقله المال معنا
احنا منقدرش علي الثانوي الخاص والله ام مقهوره علي اللي بيحصل
انا بناشد وزير التربيه والتعليم يبص بعيون الرحمه والعدل
يارب جيب الخير لاولدنا

يذكر أن تعليم القاهرة تبيع نتائج الشهادات لشركات الاتصالات متحدية بذلك مجانية التعليم