ننشر استغاثة طلاب قسم الآثار اليونانية والرومانية بآداب دمنهور بسبب تعتنت الكلية والجامعة

كتب / عبدالله العزازي

أرسل إلينا طلاب قسم الآثار اليونانية والرومانية بكلية الآداب بجامعة دمنهور الاستغاثة التالية

احنا طلبة كليه آداب قسم الآثار اليونانية والرومانية ، القسم ده أنشط الأقسام الموجودة في كلية الآداب وأكتر قسم ليه اسم وسط الباقي . الأول كان قسم جديد بس بعد فضل ربنا ودكاترتنا قدرنا نخليه يسمع بأعمالنا اللي بإيدينا عملناها

وسيادة الأستاذ الدكتور ” عبيد صالح ” رئيس الجامعه كان واعدنا بكلية آثار ومتحف لما حضر معرض لينا وده كان في مصلحتنا لأن عميد الكلية كان رافض وجود قسمنا وعميد الكلية من قسم تاريخ

المفاجأة دلوقتي واللي محل الشكوى والاستغاثة دلوقتي إن رئيس الجامعه هيمضي علي قرار عمل قسم آثار ويخلي تحتيه 3 شعب يوناني واسلامي وفرعوني وطبعا ان قسمنا هيكون شعبة وليس مستقل بذاته وتقريبا القرار اجباري مش قابل نقاش فيه من أي شخص سواء دكاترة القسم أو الطلبه والامضاء علي ورق الموافقه بالتحويل من سيادة الوزير يوم الأحد القادم أثناء مجلس الجامعات

وتم تحديد ميعاد مع سيادته ومرضاش يقابلنا وده ظلم لينا ودكاترتنا وطلبه الماجستير والدبلومات ده غير إن اللي بيعمل دلوقتي دبلومه أو ماجيستير اتوقفتله بعد تعب ومجهود كبير اتبذل ..

وهذا طلب من جميع الفرق بالقسم ولاسيما اعضاء التدريس المبجلين لانه مصير 2000 طالب وطالبه

لو سمحتوا وصلوا صوتنا احنا عايزين حقنا احنا مش معترف بينا زي كلية اثار ومحدش مهتم بينا بالرغم اننا بنتخصص من اولي في دراسات يونانيه ورومانيه وبنبقي اشمل وادق من غيرنا، ارجوكم وصلوا صوتنا