حملة رجعونا كلنا
في البداية تعجز الكلمات عن التقدير و الشكر لسيادة النائبة المحترمة الاستاذة / نشوي الديب نائبة مجلس النوب عن دائرة إمبابة ، فسيادتها هي من نسقت لقائنا بسيادة الوزير وهي من تبنت قضيتنا و اعطتنا الأمل وهي من قدمت الثلاث مذكرات تباعاً لسيادة الوزير ، فنوجه لسيادة النائبة اسمي معاني الشكر والتقدير علي وقوفها بجانبنا ومساندتنا و وعدتنا بتبني قضيتنا العادلة .
**”*******************************
سيادة النائبة نشوي الديب قدمت لسيادة الوزير المذكرة رقم (١) التي تحتوي علي طلب برجوع المعلمين الرجال قبل بداية العام الدراسي ٢٠١٦-٢٠١٧ أسوة بقرار عودة المعلمات في نفس المسابقة وكان رد سيادة الوزير كالآتي :
= اصدرنا قرار وزاري (٢٠٩) بإعادة تسكين المعلمات وليس نقل لان القانون لايسمح بنقل المعلم المساعد الا بعد التثبيت و هذا كان استثناء للظروف التي حدثت للمعلمات و بناء علي توصيات من مجلس الوزراء و مجلس النواب . و انا قدرت ارجع ٧٠٤٩ معلمه كمرحلة اولي و هنتظر اشوف الاضرار الناتجه عن رجوعهم لمعالجتها ،، فأنا مش هقدر ازود المشكله اكتر وارجع معاهم الرجاله دلوقتي ، و انا مُقدر ظروفكم تماما و ان المرتب لا يكفي ابسط امور المعيشة من مأكل و مواصلات وخلافه . لذلك هنشوف علي بداية العام الدراسي اللي هيحصل من نقل المعلمات و هنبدأ نشتغل علي نقلكم .
وفد الحملة :: يا سيادة الوزير حضرتك رجعت المعلمات و ظروفنا لا تسمح بالبقاء خارج محافظتنا و الاحوال المادية و المعيشية و الاسرية بتتدمر كل يوم عن التاني ، فنرجو من سيادتك الموافقه علي نقلنا اسوة بالمعلمات فلدنيا اسرنا وزوجاتنا الذين يحتاجون لرعايتنا فانظر لنا كأبنائك
كان رد سيادة الوزير كالاتي :: انا مقدر جدا لظروفكم وانا أب و انتوا ابنائي و اخواتي وانا بوعدكم ان شاء الله ان بعد نقل المعلمات هترجعوا بإذن الله قبل بداية العام الدراسي ٢٠١٧-٢٠١٨
*************************************
سيادة النائبة نشوي الديب قدمت المذكرة رقم (٢) التي تحتوي علي نقل المعلمين هذا العام مع الابقاء عليهم في محافظة تسكينهم الحاليه لمدة عام بقرار ندب كلي وبعد انتهاء العام الدراسي الحالي ينتهي قرار الندب ويعود المعلمين الرجال الي محافظتهم وكان رد سيادة الوزير كالأتي ::
المعلم المساعد مالوش حقوق في النقل ولا الندب الكلي الا بعد ان يصبح معلم ومينفعش ان انا انقل الرجاله دلوقتي وانا مش عارف الاضرار اللي هتنتج عن نقل المعلمات و استشهد سيادته بعدم موافقة محافظة مطروح علي نقل المعلمات وذلك بسبب انهم هيتركوا فراغ في المدارس .
وفد الحملة :: حضرتك عارفين ان المعلم المساعد مالوش نقل ولا ليه ندب ولكن نريد من سيادتك اصدار قرار استثنائي بـ ( الندب الكلي ) للمعلمين كما اتخذت سيادتك قرار استثنائي بنقل السيدات وهن علي نفس الدرجة وهي المعلم المساعد .
كان رد سيادة الوزير : ان شاء الله العام القادم قرار نقلكم سيتم استثنائيا ايضا مثل المعلمات لان العام القادم لن تصبحوا علي درجة معلم ، وان شاء الله هنصدر ليكم قرار استثنائي العام القادم بالنقل .
*********************************
سيادة النائبة نشوي الديب قدمت المذكرة رقم (٣) التي تحتوي علي طلبين اولهما اصدار بيان اعلامي يؤكد علي رجوعنا قبل بداية العام الدراسي ٢٠١٧-٢٠١٨ و الطلب الاخر هو تقليل اغتراب للمعلمين الرجال قبل بداية العام الدراسي ٢٠١٦-٢٠١٧ وكان رد سيادة الوزير كالاتي :
= البيان الاعلامي اصدرناه علي موقع الوزارة بعوة المعلمين كمرحلة ثانيه ثم اصدرنا بيان اخر بأن عودتهم ستكون العام المقبل اي العام الدراسي ٢٠١٧-٢٠١٨
وفد الحملة مقاطعاً الحديث : يافندم مفيش اي بيانات نزلت علي موقع الوزارة تؤكد عودتنا قبل بداية العام الدراسي ٢٠١٧-٢٠١٨
رد سيادة الوزير :: خلاص لما يجي المستشار الاعلامي الاستاذ بشير حسن هخليه ينزل بيان اعلامي علي موقع الوزارة يؤكد علي عودتكم قبل بدايه العام الدراسي ٢٠١٧-٢٠١٨ .
سيادة النائبة نشوي الديب : يا سيادة الوزير هما من حقهم يطمنوا انهم هيرجعوا عشان ظروفهم وكل واحد ليه ظروف صعبه جدا .. وكل يوم والتاني بينزلوا وقفات قدام الوزارة واماكن تانيه عشان مينزلوش تاني عايزين يطمنوا
رد سيادة الوزير :: هنزل بيان اعلامي يطمنهم علي موقع الوزارة بعودتهم قبل بداية العام الدراسي ٢٠١٧-٢٠١٨
وفد الحملة بالنسبة لتقليل الاغتراب : مثلا يا سيادة الوزير انا من القاهرة وتسكيني غربية تخصص رياضيات مثلا في معلمات رجعت من الشرقيه محافظة القاهرة وسابت مكانها فاضي في الشرقيه بنطلب من سيادتك بدل ما اروح الغربية اقرب شوية واجي الشرقيه عشان السنه الجايه اقدر اسافر وابات وسط عيالي .
رد سيادة الوزير : مقدرش اعمل نقليل اغتراب دلوقتي قبل الدراسه بشهر مش هنلحق و كمان لما اعمل تقليل اغتراب بعض الرجاله هتقرب مسافتها و البعض الاخر مش هيقرب يبقي هيحصل مشكله .. و لما انا اجيبك من محافظة حدودية محتاجاك اكتر من المحافظات اللي كانت مسكنه عليها السيدات لانها محافظات وجه بحري معظمها مكنش فيها عجز اوي ، فاحنا هنعمل مسابقات داخلية هنسد بيها عجز المحافظات النائية وبعدها انتوا هتبقوا زيادة عن حاجه المحافظات ده نرجعكم ساعتها محافظتكم وده هيتم قبل العام الدراسي ٢٠١٧-٢٠١٨ ..
*********************************
ملحوظة : اللقاء تم سرد بعض الحالات الخاصة و القاسية لبعض المعلمين المغتربين وكان اغلبه لقاء يخاطب العاطفة قبل العقل و لكم ما اسفر عنه اللقاء هو (( اصدار بيان اعلامي علي موقع الوزارة يؤكد علي عودتنا قبل بداية العام الدراسي ٢٠١٧ – ٢٠١٨ ))
وفي النهاية نتوجه بأسم اعضاء حملة رجعونا كلنا لسيادة النائبة نشوي الديب علي تنسيق اللقاء و علي ترتيب اللقاء ومساندتها لقضيتنا و علي وعد سيادتها بتبني قضيتنا حتي حلها .. فلسيادتها جزيل الشكر والتقدير
و الله الموفق و المستعان وهذا ما اراده الله لنا ،، و الحمد لله
وفد اللقاء كان يضم كلا من : عبدالله صابر / احمد سراج / باسم
وفي نهاية اللقاء وجه سيادة الوزير رسالة خاصه لي وقال : طمن زملائك
