بقلم / عنان بسام
اسفه لو كلامي في غلط او اهانه بس ده من غلبنا محدش عارف يجبلنا حقنا
نفسي تقرا كلامي و تسمعني نفسي تشوف وجهه نظرنا كلنا و تسمعنا متبنيش قوتك و حكمك علينا و على حساب مستقبلنا عشان تقول انك كده بتعدلها
طب لما تيجي تعدلها اعدلها صح مش تنتقم من حبه مدرسين عشان بياخدوا فلوس
طب بدل ما تقفل السناتر و تلغي الدروس اقفل المخانات و القهاوي بتاعت الصيع و المحششين احمينا الاول امنع دخول المخدرات بورسعيد شيل الترامادول من الصيدليات امنع دخول الحشيش بدل ما تقفل سناتر
انا ميهمنيش اي حاجه غير مستقبلنا وللاسف احنا ف مصر يعني الحلم فيها عيب !!!
حرام عليكوا بقي
و بعدين ما طول عمر 3 ثانوي مبتروحش المدرسه ولا 3 ثانوي هي اللي هتحيي المدرسه
مش فاهمه وجهه نظر سيادتك الشهادات متروحش ده اول مطلب
تاني حاجه حضرتك بتقول السناتر بيحصل فيها قله ادب و ولاد و بنات و في مدرسين مش كويسين حضرتك الكلام ده ف كل حته و معتقدتش ان مدرس هيضيع سمعته
تالت حاجه معاكسات الشباب ف كل حته نفسي تحط قانون اللي يعاكس بنت يتحبس مش تقفل سنتر ولا على اساس ان مجموعات التقويه مفهاش معاكسات
رابع حاجه حضرتك عامل مجموعات التقويه ب 60 جنيه و اي مدرس نطلبه هيدي في مدرسين كتير مش هيدوا مجموعات تقويه
و بعدين حضرتك المفروض تعملها اختياري مش اجباري انت عاملها عشان الاهالي غير قادرين على دفع مبالغ الدروس الخصوصيه
احنا لينا بقي مطلق الحريه الغير قادر ياخدو تقويه و القادر ياخد دروس خصوصيه
حاجه كمان المدارس غير مجهزه بالمره اننا نحضر فيها اي درس دسكات مكسره و كلها مسامير مافيش مراوح مدارس كله ضلمه فصولها بس منوره
طب عندي اقتراح
خلينا ف السناتر انضف و احسن و نزل قرار الدرس ب 70 بلاش 60 و ملازم 40 يبقي ع قد مقدره اهل الطالب و ف مكان نضيف و اي مدرس هيخالف القاعده يتحبس او يدفع شرط جزائي
لكن مش عشان انت تعاقب المدرسين تضيعلنا مستقبلنا اكتر ما هو ضايع ليه عشان احنا ف مصر
يا سياده المحافظ اسمعلنا هي مش عافيه
بلاش تعمل فينا كده وتضيعلنا مستقبلنا احنا مرتاحين في الدروس الخصوصيه و كمان حضرتك عايزنا نحضر يوم دراسي كامل
احنا كمان طالبين مدرس محترم مبيخرجش منه لفظ بذئ يراعي ربنا يشرح بذمه يتقي ربنا تمنعوا الضرب و الاهانه والسب بالاب و الام
اختار مدرسينك و نضفهم قبل ما تحكم علينا نروح مدارس مفهاش لا تربيه ولا تعليم
مقالات ذات صلة
-
-
-
-
-
-
-
-
-
