ننشر آراء أولياء الأمور الرافضة لإلغاء الميد تيرم واستبداله بـ 3 امتحانات

-28-1

كتب / عبدالله العزازي

أعلنت الوزارة اليوم خلال اجتماع المجلس الأعلى للتعليم عن إلغاء امتحان الميد تيرم واستبداله ب3 امتحانات على مدار الفصل الدراسي أي بما يعادل امتحان شهري

الآن مع آراء أولياء الأمور الرافضة

يعنى نموتلكوا نفسنا ونموت عيالنا عشان ترتاحوا

بهذه الجملة بدأت سماح أبو بكر من إحدى مؤسسات حملة تمرد على المناهج المصرية

وأضافت قائلة ” بنعيط بقالنا سنين ونقولكوا الميدتيرم اللى بنمتحنه احنا موافقين عليه ومعندناش مشكلة فيه بس اللى منتحنه مش هنرجع نذاكره تانى فى امتحان التيرم .. “

” قوم ايه بقى قوم قالك لا احنا نشيل الميدتيرم خااااااااالص ونحط بداله 3 امتحانات شهرية مضافة للمجموع وكمان نيجى فى امتحان التيرم نمتحن كللللله تانى من الجلدة للجلدة يعنى بدل ماحنا كنا على مدار سنة مضغوطين وبنمتحن 4 امتحانات انتوا خليتهوملنا 8 امتحانات


” هتقولولى كل دول العالم كدة هصوت فى وشكوا واقولكوا خليلنا التعليم زى باقى دول العالم واحنا معاكوا “


” هتقولولى احنا رجعنا النظام القديم تانى هصوت برضو  .. واقولكوا … رجعلنا الدروس والمناهج اللى كنا بناخدها زمان وهنبقى معاكوا “

واختتمت قائلة ” لكن اللى بتعملوه ده اسمه هبل وتخلف وناس بتحط قرارات غير مسئولة بالمرة “

Exit mobile version