كتب / عبدالله العزازي

أرسلت ” نيفين ثابت ” إحدى أولياء الأمور ومن مؤسسي حملة تمرد على المناهج المصرية وحملة منهكم باطل الرسالة الآتية للرئيس “عبدالفتاح السيسي ” رئيس الجمهورية

سيادة الرئيس ….

حضرتك الرئيس وانا أم مصريه … مش هاحلف لسيادتك علشان انا مش بحلف. بس هاقولك كلمتين صغيرين اتمنى يوصلولك

احنا تعبنا تعبنا تعبنا

وخلاص بقينا فاقدين الامل فى اى اصلاح ،سيبك سيادتك من ده كله احنا مقدور علينا …

بجد المشكله بقت فى اولادنا . خلاص فقدوا الثقه فى نفسهم وفى بلدهم وفى العيشه واللى عايشنها ومش بقى عندهم اى انتماء نهائى ..

تعليم فاشل ،منظومه بايظه عايزه النسف والبتر ،قيادات كتير فاسده ،مناهج عقيمه ،امتحانات تعقيديه ،لجان كلها غش وارف ،لجان مخصوصه للمحسوبيات ،نتايج بتتظبط لمدارس مدارس والمدرسه الجدعه اللى تظبط كنترولها ،مخرجات كلها فاشله ،كائن او ما يسمى خريج جامعى لا يفقه شئ ولا يخدم سوق العمل ،مؤتمرات ولجان طالعه وداخله وفلوس بتتبعزق يمين وشمال وفى الاخر نقول ميزانيه الوزاره لا تسمح ،دروس خصوصيه تقطم وسط اجدع اسره مصريه ميسورة الحال

اب تعبان ومنهك . ام مصريه جدعه اصيله بس للاسف جابت جااااز اه جابت جاز مش عارفه تلمها منين ولا منين .

اطفال مش لاحقين يقعدوا وسط اهلهم ولا يزوروا اهاليهم حصيلة كده تفكك اسرى ومجتمعى شامل ….

ماذا تنتظر كى تبدأ بالتعليم ؟؟

التعليم اولا يا ريس

كفايانا مشاريع بنيه تحتيه استثمر فى اولادك .رجال الغد والمستقبل ..حماة وطنهم مصر ..
ما علش بكلم حضرتك بالعاميه زى سيادتك ما عودتنا

التعليم يا ريس التعليم
التعليم يا ريس التعليم
التعليم يا ريس التعليم
التعليم يا ريس التعليم

روابط نرشحها لكم

لنتائج جميع المحافظات اضغط هنا

لمواعيد امتحان الثانوية والدبلومات اضغط هنا

لاستمارة الثانوية اضغط هنا

للنماذج التجريبية للثانوية العامة اضغط هنا

لوظائف قطر اضغط هنا

بدء التقديم للإعارات لبعض الدول اضغط هنا

لجداول جميع المحافظات اضغط هنا