بقلم / رضا قاروب
ممكن نجرب التطبيل شويه :
——————————–
كل تمام التمام …
المدارس ذى الفل ….
ونسبة حضور الطلاب 100% …
والمعلمين نفسيتهم مرتاحة لكل القرارات …
والحصص ولا فى الخيال …
ومفيش الحمد لله ولا حاله غش بتحصل ….
ولا اى تسريب لأى اختبارات ….
والمدير شعله نشاط وميعرفشي طريق مكتبه ….
ومفيش الحمد لله دروس خصوصية ….
والمعلمين حولوا مرتباتهم على البنوك وبيحولوها لدولارات ….
والمناهج ماشاء الله ترقى للمستوى المطلوب….
ولا القرائيه بالتشكيل ياولاد نا مفرحنا …
والكلمه مقطعنها …
والشئون القانونيه فى الادارة والمديرية تقولشي كلهم الفاروق عمر …
والنيابه الاداريه مش لاقيه ولا قضيه ….
والتقارير السنويه للمعلمين طالعه العالمية …
والجودة عامله عمايلها والضمير متتوصاش …
ولا تدريبات الأكاديمية كلها مراعيه ….
ولا التوجيهات كلها ميه ميه وحده تدريب عالمية ….
وانشطه معديه ….ووحده منتجه وشئون ماليه …..
مرتاحين من كل الـ بيحصل فى الادارة والمديريه ….
عالم كلها حنيه ….
وشغالين مبيخروش الميه ……….
بحلم اعيش لما اشوفك يا تعليم مش مواكب الزمان ….
لكن ترجع للخلف سنين وسنين كمان ….
