مواقف سلبية نراها فى المدارس يوميا

متابعات ميدانية

مواقف سلبية نراها فى المدارس يوميا

1/ غياب المشرفون هروبا من الاشراف اليومى المخصص لهم

2/ تهرب المدرسون الأوائل من الإحتياطى بحجج غير منطقية

3/ السلبية من بعض المدرسين فى ادارة الفصل والتكاسل عند ذهابهم للفصول بحجة سيجارة أو كوباية شاى !!!!

4/ موظفو المجال الزراعى والصناعى وقصة نزول الطلبة فى فناء المدرسة دائما فى حصصهم والاختلاط مع طلبة التربية الرياضية

5/ والمشكلة الكبيرة تتلخص فى قصة المدرسات اللى بتتأخر بحجة ساعة رضاعة أو بتمشى قبل الميعاد الرسمى بحجة ساعة الرضاعة !!! واللى متقدرش تحكم فصل الاولاد واللى متقدرش تلاحظ فى الامتحانات والرجالة تشيل كل النقص ده وخاصة لما تنتظم المدرسة وفجأة تحصل حالات ولادة واجازات فجأة والتوجيه يقصر ويزداد الاجتياطى والعجز ونيجى نكلم المدرسات يعملوا نفسهم فوق الكل وساعة القبض تلاقيهم اول الناس بتقبض ولا ننسى مجاملات من مديرى المدارس للمدرسات  لأن ده واقع مش كذب لأننى تجولت أكثر من مدرسة

6/ طابور المدرسة فى كثير من المدارس عبارة عن سوق لايوجد فيه نظام تعرفوا ليه … لأن اللى بيسهر مش بيجى بدرى واللى وراها عيال بتيجى على الفترة التانية وبتمشى بعد الفترة الثانية !!!!

7/ الادراى فى المدرسة عمدة يشرب شاى ويتفرج ومقصر فى عمله وفالحين فى القيل والقال والنظر بعينيهم شمال ويمين

8/ المدرس هو اساس العملية التعليمية وده حقيقة لايمكن انكارها ولكن مانجده من محايلة زيادة عن اللزوم على الطالب وخفة الدم المتبادلة بينه وبين الطالب وخاصة لو بياخد عنده درس خصوصى

9/ أثناء الامتحانات نلاقى المدرسون أنفسهم بيغششوا الطلبه !!