أماني الشريف ،،
موضوع تعدد نماذج الامتحانات (نموذج أ، ب، ج..) بأسئلة “مختلفة” هو باب كبير لظلم الطلاب وغياب العدالة.
مبدأ “تكافؤ الفرص” هو الأساس في أي عملية تعليمية، لكن لما طالب يمتحن أسئلة غير زميله، هنا بتدخل معايير تانية زي “الحظ” وتفاوت مستويات الصعوبة بين النماذج، ومستحيل بشرياً وضع نماذج متطابقة تماماً في الصعوبة والسهولة.
والدليل القاطع إن النظام ده (تعدد الأسئلة) غير عادل، هو إنه لم يُطبق في الثانوية العامة.
الثانوية العامة لأنها سنة مصيرية وحساسة، الوزارة بتعتمد فيها على نظام (نفس الامتحان للكل) ولكن بـ (ترتيب مختلف للأسئلة) فقط لمنع الغش. لو كان نظام النماذج المختلفة “نظام جيد وعادل” كان الأولى يطبقوه في الثانوية العامة! 
الحل العادل والمنطقي:
نفس الأسئلة لكل الطلاب لضمان توحيد المعيار، مع تغيير ترتيب الأسئلة فقط (Shuffling) داخل الورقة الامتحانية. بكده نمنع الغش ونحقق العدالة في نفس الوقت.
الطلاب محتاجين عدل واطمئنان، مش “لتوتر” وحظوظ في نماذج الامتحانات.
