أمهات مصر” يردن علي وزير التعليم: مش عايزين عيالنا ينجحوا من غير امتحان.. بس راعي الإجراءات الإحترازية وتخفيف المناهج”
“أمهات مصر” يردن علي وزير التعليم: مش عايزين عيالنا ينجحوا من غير امتحان.. بس راعي الإجراءات الإحترازية وتخفيف المناهج”
قالت عبير أحمد، مؤسس اتحاد أمهات مصر للنهوض بالتعليم، وائتلاف أولياء أمور المدارس الخاصة، إن هناك ردود أفعال واسعة من جانب أولياء الأمور، علي تصريحات وزير خلال مداخله علي برنامج مساء dmc، حيث قال الوزير: “لو المدارس اتقفلت ومكملناش العام الدراسي مفيش حد هينجح مش هنعمل زي السنة اللي فاتت وتنجح بتيرم واحد”.
وتفاعل مئات أولياء الأمور من الأمهات علي صفحة اتحاد أمهات مصر للنهوض بالتعليم، وصفحة إئتلاف أولياء أمور المدارس الخاصة، في الفيس بوك، حيث قالت ولي أمر: “تمام ماشي، واحنا مقولناش عايزين عيالنا ينجحوا من غير امتحان، بس يراعي ربنا فى الإجراءات الإحترازية وقت الإمتحانات، ولو شايف إن المنهج كتير على العيال إنهم يفهمو اللى هيتبقى من الشاشات فيتقي الله ويحذف جزء منه، دا كفاية مادة الدراسات من السنوات السابقة”.
وأضافت ولي أمر أخري: “ايه المشكلة يعنى لما الدراسة تبقى اون لاين ونروح علي الإمتحانات بس ويبقى فيه إجراءات احترازية كويس، بس المفروض يخلى جزء من المنهج للأطلاع فقط”.
وتابعت أخري: “مابنقولش تتقفل ولا نتمني تتقفل، بس يوم مايظهر حالات لازم تقفل المدرسه يومين تتعقم علي الأقل ويبقي فيه اهتمام بالاجراءات الاحترازيه والتزام وحسم ويكون فيه جهه مختصه بالتفتيش علي اللي بيتم في المدارس، احنا عايشين في رعب ومضطرين ننزل ولادنا وربنا يحفظهم جميعا”.
واستكملت أخري: “هي الحمدلله لغاية دلوقتى آمنة لكن كمان شهر مش هتكون آمنة لاقدر الله ولازم يكون فيه خطة واضحة في حالة الأزمة لاقدر الله يعني بلاش نكون رد فعل”.
