التعليم المصري يُعلمنا : أشعل النيران فيما لا يُرضيك ؟؟؟؟

أرسلت لنا ولاء صلاح ( أم مريم ) هذه الشكوى من منهج اللغة العربية للصف الثالث الابتدائي

هام جداااااا من منهج عربي تالته ابتدائي تيرم تاني
الوحده التالته عباره عن قصه مقسمه علي الاربع دروس
ملخص القصه ان جماعه الطيور بتهاجمها الصقور و عايزه تاخد صغارهم و تاخد ارضهم فحكيم الطيور
اتفق مع ملك الحمام و اليمام انهم يتحدوا لمواجهه الصقور و ينفذوا خطه للتخلص من اذاهم
الخطه انهم اجتمعوا مع الصقور في خيمه و بعد كده خرجت العصافير مع الحمام و اليمام من الخيمه و اغلقوها علي الصقور و الجمله الصادمه جدا (اشعلوا النيران فيها )
هي دي الخطه الي موجوده في درس لاطفال عمر 8 سنوات
ايه العنف الرهيب الي بيعلموه للاطفال ده .يعني بعد كده استني من بنتى انه لو حد بيضايقها تولع فيه او تولع فيا انا شخصيا عشان انا ماما بتاعه الاوامر و بضايقها طبعا
عايزه اعرف فين الاشراف التربوي الي علي المناهج
ازاي تتحط جمله زي دي في منهج مقدم لاطفال في السن ده
حسبي الله و نعم الوكيل في كل الي ساعد علي ان حاجه زي دي تتدرس لاولادنا..انا مش عارفه مريم بنتى ح تستوعب الدرس ده ازاااى. هى وكل الولاد اللى فى سنها. حسبى الله ونعم الوكيل
—————————